حکومت گردشی قرضے کم کرنے کی کوشش کر رہی ہے، مزمل اسلم

وزارت خزانہ کے ترجمان مزمل اسلم نے کہا ہے کہ قیمتوں میں اضافہ نہ کریں تو گردشی قرضوں میں اضافہ ہوتا جائے گا۔

جیو نیوز کے پروگرام ’نیا پاکستان‘ میں گفتگو کے دوران مزمل اسلم نے کہا کہ بجلی، گیس، پٹرول امپورٹ ہورہی ہیں۔

انہوں نے کہا کہ حکومت گردشی قرضے کم کرنے کی کوشش کر رہی ہے، اگر قیمتوں میں اضافہ نہ کریں تو گردشی قرضوں میں اضافہ ہوتا جائے گا۔

ملک میں مہنگائی مزید بڑھ گئی، ایک ہفتے میں 22 اشیاء کی قیمتوں میں اضافہ

ملک میں مہنگائی مزید بڑھ گئی، ٹماٹر، آلو، گھی، مٹن، ایل پی جی کے گھریلو سلنڈر سمیت 22 اشیاء کی قیمتوں میں اضافہ ہوا ہے۔

ترجمان وزارت خزانہ نے کہا کہ پاکستان میں قیمتیں اس طرح نہیں بڑھ رہیں جس طرح سے دیگر ممالک میں بڑھ رہی ہیں۔

اُن کا کہنا تھا کہ ڈھائی لاکھ کے فون پر اگر 40 ہزار ڈیوٹی ہے، تو ممکن ہے وہ 70 ہزار ہوجائے۔

حکومت معاشی اصلاحات کے لیے پرعزم ہے، شوکت ترین

وزیر خزانہ شوکت ترین نے کہا ہے کہ موجودہ حکومت معاشی اصلاحات کے لیے پرعزم ہے۔

مزمل اسلم نے مزید کہا کہ آئی ایم ایف نے مارچ میں بجلی کی قیمتیں 1روپے 40 پیسے فی یونٹ بڑھانے کا کہا تھا۔

انہوں نے کہا کہ اگر اس لحاظ سے بجلی کی قیمت بڑھاتے تو 3 روپے تک کا اضافہ ہوتا۔