کوئٹہ (اسٹاف رپورٹر)سکیورٹیز اینڈ ایکس چینج کمیشن آف پاکستان نے کمپنیز ایکٹ 2017کے دفعہ 254 کے تحت مطلوب حقیقی ملکیت کی معلومات کمیشن کو فراہم کرنے کیلئے فارمز مشتہر کردیئے ہیں۔ اس حوالے سے جاری نوٹیفکیشن کے مطابق حصص دار یا کمپنی کا افسر جو پاکستان کا شہری بشمول دوہری شہریت کاحامل ہو،غیر ملکی کمپنی یا باڈی کارپوریٹ میں اپنی حصص داری یا دیگر مفاد کا، ایسی حیثیت یا مفاد کا حامل ہونے کے تیس دن کے اندر اندر کمپنی کے پاس اظہار کرے گا۔ ضمیمہ دوکمپنی کی جانب سے سال کے دوران اس ایکٹ کے آغازِ نفاذ سے ساٹھ دِن کے اندراندر اور بعدا زاں اپنے سالانہ گوشواروں کے ساتھ جیسا کہ ایکٹ کے تحت مطلوب ہے درج بالا موصول شدہ معلومات کمپنی رجسٹرار کو رپورٹ کرنے کے فارم کی صراحت کرتا ہے۔ نئے قانون میں نمایاں حصص دار کی تعریف ایسے شخص کے طور پر کی گئی ہے جو کسی کمپنی میں کم از کم دس فیصد حصص داری یا ووٹنگ کے اختیار کا حامل ہو۔ افسر میں کوئی بھی ڈائریکٹر،چیف ایگزیکٹو، چیف فنانشل افسر، کمپنی سیکرٹری یا کمپنی کا کوئی دیگر مجاز افسر شامل ہے۔ درج بالا معلومات ایس ای سی پی کے لئے عالمی رجسٹر برائے بینفشل اونرشپ (حقیقی ملکیت) تیار اور برقرار رکھنے میں معاون ہوگی۔ اس کا بنیادی مقصدنمایاں حصص داروں اور کمپنی کے افسران کی حقیقی ملکیت کی معلومات کے حوالے سے زیادہ شفافیت کو یقینی بنانا ہے۔
فرمان الہی
نماز کے اوقات
