عدلیہ پرحملے، بلیک میلنگ ن لیگ کے حربے ہیں، شبلی فراز

January 24, 2022

وفاقی وزیر سائنس اینڈ ٹیکنالوجی شبلی فراز نے کہا ہے کہ عدلیہ پر حملے اور بلیک میلنگ ن لیگ کے حربے ہیں۔

جیونیوز کے پروگرام آج شاہزیب خانزادہ کے ساتھ گفتگو کے دوران شبلی فراز نے کہا کہ عمران خان اداروں اور عوام کے لیےجنگ لڑرہے ہیں۔

انہوں نے کہا کہ ن لیگ نے اداروں کو تباہ کیا، پاناما کیس کا جواب آج تک نہیں ملا، کیا مریم نواز نے بتایا کہ ان کی جائیداد کہاں سےآئی؟

وفاقی وزیر نے مزید کہا کہ وزیراعظم سے ایک سوال ہوا تھا، جس کا انہوں نےجواب دیا تھا۔ شبلی فراز نے کہا کہ شہزاد اکبر کے استعفے کی تفصیلات کا علم نہیں۔

اُن کا یہ بھی کہنا تھا کہ شہباز شریف نے ضمانت لی ہے، انہیں نواز شریف کو واپس لانا ہے، ان کے اکاؤنٹس میں اربوں روپےکہاں سے آئے اس کا جواب دیں۔