لندن (پی اے) 20میں سے ایک ملازم اپنی آمدنی سے محروم ہونے کی صورت میں ایک ہفتے کے بلز بھی ادا نہیں کر سکتا ۔ ایک رپورٹ کے مطابق، 20میں سے ایک (5فیصد) ملازمین کا کہنا ہے کہ اگر وہ اپنی آمدنی کا بنیادی ذریعہ کھو د یں تو ایک ہفتہ بھی اپنے اخراجات پورے نہیں کر پائیں گے۔بلڈنگ سوسائٹیز ایسوسی ایشن ( بی ایس اے) کی تحقیق سے پتا چلا کہ چھ میں سے ایک (15فیصد) ایک ماہ بھی اخراجات پورے کرنے کے قابل نہیں ہوں گے۔ 10میں سے چھ سے زیادہ (61فیصد) بالغ افراد جو ملازم ہیں، انہوں نے کہا کہ وہ اپنے بلز اور کریڈٹ کے وعدوں کو ایک بوجھ سمجھتے ہیں۔چار میں سے ایک سے زیادہ (27فیصد) ملازمین نے عام طور پر کہا کہ رقم کی پریشانیوں نے ان کے کام کرنے کی صلاحیت کو متاثر کیا ہے۔ 55فیصد لوگ جو اپنی آمدنی کھو نے کی صورت میں ایک ماہ تک اپنے رہنے کے اخراجات پورے نہیں کر پائیں گے اور 63 فیصد لوگ بلز اور کریڈٹ وعدوں کو بھاری بوجھ سمجھتے ہیں تقریباً دو تہائی (62فیصد) ورکرز محسوس کرتے ہیں کہ آجروں کو ا ن کی مالی بہتری کا خیال رکھنا چاہیے، لیکن صرف ایک چوتھائی سے کم (24فیصد) سوچتے ہیں کہ ان کا آجر حقیقت میں ایسا کرتا ہے۔ مالی بہبود کا یہ فرق خاص طور پر بڑی تنظیموں میں کام کرنے والے ملازمین کے لیے اہم ہونے کا امکان ہے۔ جو میڈیا، مارکیٹنگ، پی آر سیلز اور تعلیم میں ہیں۔ چھوٹے ملازمین اور وہ لوگ جن کی مالی لچک کم ہے۔بی ایس اے کی رپورٹ کے لیے 2000سے زیادہ لوگوں کا سروے کیا گیا تھا- نجی شعبے کے ملازمین کو درمیانی مینیجر یا اس سے نیچے درجہ دیا گیا جو کہ دو یا زیادہ ملازمین کے ساتھ کاروبار میں کام کر رہے ہیں۔بی ایس اے نے تسلیم کیا کہ لوگ آنے والے مہینوں میں مہنگائی کے دباؤ کے درمیان کوئی رقم نہیں بچا سکیں گے۔ لیکن اس میں کہا گیا ہے کہ ان لوگوں کے لیے کام کی جگہ بچت کی اسکیم متعارف کرانا جو محسوس کرتے ہیں کہ وہ ہر ماہ تھوڑی سی بچت کر سکتے ہیں، آجروں کے لیے عملے کی طویل مدتی مالی حالت کو بہتر بنانے میں مدد کرنے کا ایک طریقہ ہو سکتا ہے۔ اس طرح کی اسکیمیں حصہ لینے والے ملازمین کو ٹیکس کے بعد ان کی ماہانہ اجرت سے ایک مقررہ رقم لینے کی اجازت دے سکتی ہیں، اسے نقد بچت میں رکھا جا سکتا ہے، جسے ہنگامی صورت حال یا علاج کے لیے استعمال کیا جا سکتا ہے۔ بی ایس اے اس نتیجے پر پہنچی کہ سروے میں شامل نصف ملازمین (50فیصد) جنہیں فی الحال کام کی جگہ پر بچت کی پیشکش نہیں کی گئی ہے وہ شمولیت میں دلچسپی لیں گے۔جن لوگوں کی مالی پریشانیوں نے ان کے کام کو متاثر کیا ہے، ان میں ہر 10 میں سے چھ (60فیصد) کام کی جگہ بچت کی اسکیم میں دلچسپی لیں گے اگر انہیں یہ پیشکش کی جاتی ہے۔ کام کی جگہ بچت کی اسکیم میں حصہ لینے میں دلچسپی رکھنے والے آٹھ میں سے ایک (13فیصد) لوگوں کیلئے، یہ ان کی پہلی رسمی نقد بچت ہو گی بی ایس اےنے کہا کہ کئی بلڈنگ سوسائٹیاں سرگرمی سے اس بات کی کھوج کر رہی ہیں کہ وہ اس علاقے میں کس طرح مدد کر سکتے ہیں، کچھ کریڈٹ یونینز اور بلڈنگ سوسائٹیز پہلے ہی اس قسم کے اکاؤنٹ کی پیشکش کر رہی ہیںمالی شمولیت کے وزیر گائے اوپرمین نے کہا کہ کام کی جگہ بچت لوگوں کو مستقبل کی مالی لچک پیدا کرنے میں مدد کرنے میں اہم کردار ادا کر سکتی ہے۔بی ایس اے میں بچت کے سربراہ، اینڈریو گال نے کہا ’’چونکہ خوراک، توانائی اور دیگر قیمتیں مسلسل بڑھ رہی ہیں، یہ کوئی تعجب کی بات نہیں ہے کہ اب بہت سے لوگ اپنی مالیاتی حالت سے ہیں اور اپنے روزمرہ کے اخراجات کیلئےجدوجہد کر رہے ہیں۔ وزیر اعظم بورس جانسن نے اس ہفتے ہاؤسنگ اقدامات کے پیکیج کا بھی اعلان کیا۔