پیپلز پارٹی نظریاتی طور پر ختم ہوچکی، شاہ محمود قریشی

July 05, 2022

پاکستان تحریک انصاف (پی ٹی آئی) کے وائس چیئرمین اور سابق وزیر خارجہ شاہ محمود قریشی نے کہا ہے کہ پیپلز پارٹی نظریاتی طور پر ختم ہوچکی ہے۔

ملتان میں کارنر میٹنگ سے خطاب میں شاہ محمود قریشی نے کہا کہ یوسف رضا گیلانی میری محبت میں ملتان میں مسلم لیگ (ن) کے امیدوار کی انتخابی مہم چلا رہے ہیں۔

انہوں نے کہا کہ پی پی سینیٹر نے ن لیگ سے اپنے صاحبزادوں کے لیے سیٹ ایڈجسٹمنٹ کی بھیک مانگی ہے۔

پی ٹی آئی رہنما نے مزید کہا کہ اپنا چوری شدہ مینڈیٹ واپس لے کر عمران خان کو دوبارہ وزیراعظم بنائیں گے۔

اُن کا کہنا تھا کہ بلوچستان میں پیپلز پارٹی کا وجود نہیں ہے، پنجاب کے ضمنی الیکشن میں پی پی نے ایک سیٹ پر بھی امیدوار کھڑا نہیں کیا۔