آپ نے انٹرنیٹ سمیت حقیقی دنیا میں بھی کئی طرح کے کام چور دیکھے ہوں گے مگر وائرل ہوتی اس نئی ویڈیو میں دھوبی نے کاہلی اور گندگی کی حد ہی کر دی ہے۔
سوشل میڈیا سائٹس پر اس وقت ایک دھوبی کی ویڈیو خوب وائرل ہو رہی ہے جس میں دیکھا جا سکتا ہے کہ یہ دھوبی پاس پڑی اسپرے بوتل سے کپڑوں کو گیلا کرنے کے بجائے منہ میں پانی بھر کر کپڑوں پر اسپرے کر رہا ہے۔
اس دھوبی کے پاس رکھی بھاری بھرکم استری اس بات کا ثبوت ہے کہ اب یہ کپڑوں کو گیلا کر کے استری کرے گا۔
متعدد پلیٹ فارمز پر وائرل اس ویڈیو پر انٹرنیٹ صارفین کو غصے کا اظہار کرتے ہوئے دیکھا جا سکتا ہے۔
دوسری جانب چند انٹرنیٹ صارفین کا مزاحیہ انداز میں سب کو مشورہ دینا ہے کہ ’اس عید پر اپنے کپڑے اس دھوبی کو دینا مت بھولیے گا‘۔