نجومی کا مشورہ کسان کو مہنگا تو پڑا لیکن اسے اس کے خوابوں کی تعبیر دے کر اسپتال تک پہنچا گیا۔
بھارتی میڈیا رپورٹس کے مطابق ریاست تامل ناڈو کے ایک 54 سالہ کسان کو اکثر سانپ کے کاٹنے کے حوالے سے خواب آتے تھے۔
اس نے جب اپنے خوابوں کے سلسلے میں ایک مقامی نجومی سے رجوع کیا اور اس کا حل طلب کیا تو نجومی نے سانپ کے مندر جانے اور پھر کچھ رسومات ادا کرنے کا مشورہ دیا۔
نجومی کے مشورے پر عمل کرتے ہوئے مذکورہ کسان نے مندر جا کر رسومات ادا کی اور رسومات کے اختتام پر اس نے نجومی کے مشورے کے مطابق اپنی زبان سانپ کے سامنے تین بار پیش کی۔
سانپ نے تیسری بار میں کسان کی زبان پر حملہ کرکے اس کی زبان دبوچ لی۔
دریں اثناء وہاں موجود پنڈت نے کسان کو سانپ سے چھڑوایا اور اسپتال لے گیا جہاں اس کا علاج کرتے ہوئے اس کی زبان کاٹ دی اور زہر کا تریاق دے دیا گیا۔