سڈنی (جنگ نیوز) سابق آسٹریلین ٹیسٹ کرکٹر مائیکل سلیٹر کو ایک درجن سے زائد جرائم کے الزامات کے بعد پولیس کی تحویل میں دے دیا گیا ہے۔ 54 سالہ سلیٹر کے مقدمات کے سماعت پیر کو مقامی عدالت میں ہوئی۔ انہیں ریاست کوئنز لینڈ میں کیے گئے مبینہ 19جرائم سے متعلق الزامات کا سامنا ہے۔ان میں 5 دسمبر 2023 اور 12 اپریل 2024 کے درمیان گھریلو تشدد ، غیر قانونی تعاقب یا دھمکیاں دینا، رات کے وقت گھر میں داخل ہونا، حملہ آور ہونا، جسمانی نقصان پہنچانا اور گلا دبا کر دم گھوٹنے جسے سنگین الزامات شامل ہیں ۔ ان پر ضمانت کی خلاف ورزی اور گھریلو تشدد کے حکم کی خلاف ورزی کا بھی الزام تھا۔ سلیٹر کو پولیس کی حراست میں دے دیا گیا ہے۔خیال رہے کہ مائیکل سلیٹر 2004 میں انٹرنیشنل کرکٹ سے ریٹائر ہوگئے تھے، اس کے بعد انہوں نے کمنٹری میں ڈیبیو کیا اور کامیاب کمنٹیٹر شمار کیے جاتے تھے۔