مفتی قوی کو پاگل کہنا مضحکہ خیز ہے: حریم شاہ Hareem Shah

January 23, 2021

ٹک ٹاک اسٹار حریم شاہ کا مفتی قوی کے اہل خانہ کی جانب سے ان کے ذہنی توازن خراب ہونے کی بات پر اپنا موقف دیتے ہوئے کہنا کہ مفتی قوی کو پاگل کہنا ایک بے بنیاد اور جھوٹی بات ہے۔

حریم شاہ نے مزید کہا کہ میری ان سے کئی ملاقاتیں ہوئی ہیں اور کبھی ایسا محسوس نہیں ہوا کہ ان کی ذہنی حالت ٹھیک نہیں ہے۔

مفتی عبدالقوی کے اہل خانہ کی پریس کانفرنس پر حریم شاہ نے ردعمل دیتے ہوئے کہا کہ جس کی ذہنی حالت خراب ہو وہ اس طرح کی گفتگو بالکل نہیں کرتا۔

حریم شاہ نے کہا کہ اس طرح کی باتیں کر کے عبدالقوی کو بچایا جا رہا ہے، عبدالقوی کی وجہ سے پورے ملک کے مفتیان کا دل دکھا ہے اور لوگ بھی غصے میں ہیں اس لیے انہیں بچانے کے لیے اس طرح کے جھوٹ بولے جا رہے ہیں۔

انہوں نے کہا کہ یہ باتیں لوگوں کو گمراہ کرنے کے لیے گڑھی جا رہی ہیں،ایسا کچھ بھی نہیں ہے کیونکہ جو لوگ پاگل ہوتے ہیں انہیں تو اپنی خبر بھی نہیں ہوتی۔

ٹک ٹاک اسٹار نے کہا کہ اگر کوئی شخص پاگل ہے تو پھر اسے پاگل خانے بھیجنا چاہیے۔