بھارتی دارالحکومت نئی دہلی کے قریب ریاست اتر پردیش کے ضلع غازی آباد میں ایک بوڑھے مسلمان کو گزشتہ ہفتے اس وقت تشدد کا نشانہ بنایا گیا جب وہ نماز کی ادائیگی کے لیے مسجد جارہے تھے۔
حملہ آوروں نے عبدالصمد نامی مسلمان کو ایک آٹو رکشہ سے گھسیٹ کر اتارا اور اغوا کرکے قریب ہی واقع جنگل میں بنی ہوئی جھونپڑی میں لے گئے جہاں انھوں نے انہوں مخصوص نعرے لگائے اور بزرگ مسلمان سے کہا کہ وہ بھی یہ نعرے لگائے۔
اس دوران انھوں نے عبدالصمد پر گھونسے برسائے اور ایک لکڑی کی اسٹک سے انھیں تشدد کا نشانہ بنایا اور ان کی داڑھی کاٹ ڈالی۔ جبکہ حملہ آوروں نے ان پر یہ الزام لگایا کہ عبدالصمد پاکستانی جاسوس ہے۔
پولیس نے اس حوالے سے مقدمہ درج کرلیا ہے اور ایک مجرم پراویش گجر کو گرفتار کیا ہے جس پر گمان ہے کہ مرکزی کردار وہی ہے، جبکہ دیگر مجرموں کی تلاش جاری ہے۔