سوشل میڈیا پر ایک ویڈیو وائرل ہورہی ہے جس میں دونوں ہاتھوں سے محروم ایک شخص ہرشاد گھوٹانکر کو دیگر افراد کے درمیان پیروں سے کیرم کھیلتے دیکھا جاسکتا ہے۔
ٹوئٹر پر یہ ویڈیو بھارتی کرکٹ کے سابق کپتان سچن ٹنڈولکر کی جانب سے شیئر کی گئی ہے ۔
سچن ٹنڈولکر کی جانب سے ویڈیو کے ساتھ ایک ٹوئٹ شیئر بھی کیا گیا جس میں انہوں نے دیگر افراد کو بھی باہمت شخص سے سبق سیکھنے کی تلقین کی۔
ٹنڈولکر نے ٹوئٹ میں لکھا ہے کہ ناممکن اور ممکن کے درمیان فرق عزم کا ہے، ہرشاد گھوٹانکر نے اپنے مقصد کے طور پرI am possible کا انتخاب کیا، چیزوں کو ممکن بنانے کے لیے ہرشاد کی حوصلہ افزائی سے محبت کریں، ہم سب کو ان سے سیکھنا چاہیے۔