جوڈیشل واٹراینڈ انوائرمنٹ کمیشن کااجلاس،ادارو ں کی کارکردگی کاجائزہ

لاہور(خصوصی رپورٹر)سموگ کی روک تھام کے لیےجوڈیشل واٹر اینڈ انوائرمنٹ کمیشن کا واسا ہیڈ آفس لاہور میں اعلی سطحی اجلاس منعقد ہوا ۔اجلاس کی سربراہی چیئرمینجوڈیشل واٹر اینڈ انوائرمنٹ کمیشن جسٹس (ر) علی اکبر قریشی نے کی۔ جوڈیشل واٹر اینڈ انوائرمنٹ کمیشن نے سموگ کی روک تھام کے حوالے سے تمام اداروں کی کارکردگی کا جائزہ لیا۔ چیئرمین جوڈیشل کمیشن نے کہا سموگ کی روک تھام کے لیے زبانی جمع خرچ کی بجائے عملی اقدامات کرنے ہوں گے۔ لاہور میںجوڈیشل کمیشن کی ٹیم نے 15 دنوں میں 45 انڈسٹریز کو چیک کیا ہے جس میں سے 14 کو سربمہر اور 7 کے خلاف ایف آئی آر درج کروائی ۔ لاہور بھر میں 137 اینٹوں کے بھٹوں کو چیک اور 4 کو سیل کیا گیا۔ کمیشن کی طرف سے بنائی گئی ٹیم نے 953 گاڑیوں کو چیک 234 کو چالان اور9 گاڑیوں کو ضبط کروایا اس ضمن میں گاڑیوں کو 215550 روپیے کا چالان کیا گیا ۔لاہور ٹرانسپورٹ ڈیپارٹمنٹ پنجاب بھر میں 2840 گاڑیوں کو چیک کیا اور 7 لاکھ 36 ہزار 550 روپیے کے جرمانے کیے۔ لاہور ٹرانسپورٹ کمپنی نے 2582 گاڑیاں چیک کیں 288 گاڑیاں ضبط اور 3لاکھ 44 ہزار 650 روپئے کے جرمانے کیے۔ چیئرمین جوڈیشل کمیشن جسٹس ر علی اکبر قریشی کا کہنا ہے 43فیصد گاڑیوں, 25 فیصد فیکٹریوں اور 20 فیصد زراعت (فصلوں کو جلانے) سے نکلنے والا دھواں سموگ کا سبب بنتا ہے ۔اس طرح محکمہ ماحولیات نے 15 دنوں میں پنجاب بھر میںبڑے پیمانے پر کاروائیاں کیں جس میں 644 انڈسٹریز کو چیک کیا گیا جس میں سے 68 کے خلاف ایف آئی آر درج کروائی گئی 31 لوگوں کو جیلوں میں بند کروایا گیا 38 یونٹس کو سربمہر کر دیا گیا۔ محکمہ ماحولیات نے پنجاب بھر میں 1442 بھٹوں کو چیک کیا 27 لاکھ 44 ہزار روپیے کے چالان 369 ایف آئی آر درج کروائیں 15 لوگوں کو جیلوں میں بند کروایا 121 بھٹوں کو سربمہر کیا۔ محکمہ ماحولیات نے سموگ کی روک تھام کے لیے پنجاب بھر میں 7545 گاڑیاں چیک کیں 2576 گاڑیوں میں سے 705 گاڑیوں کو وارننگ دی گئی پنجاب بھر میں 1228167روپیے کے جرمانے 112گاڑیوں کو ضبط کروایا گیا۔ گذشتہ برس جیوڈیشیل کمیشن کی طرف سے بروقت اقدامات کے باعث سموگ میں کمی آئی تھی ۔ ہمیں مل کر سموگ روکنے میں اپنا کردار ادا کرنا ہوگا۔ چیئرمین جوڈیشیل کمیشن نے ایل ڈبلیو ایم سی کو صفائی مہم کو تیز کرنے کی ہدایات جاری کردی ہیں۔