’جیو تو ایسے‘ فتح کا ترانہ بن گیا

جیو ٹیلی ویژن  نیٹ ورک کا ترانہ ’جیو تو ایسے ‘ قومی ٹیم کی بھارت کیخلاف شاندار فتح کے بعد پاکستان بھر میں فتح کا ترانہ بن گیا۔

گزشتہ روز ٹی ٹوئنٹی ورلڈکپ مں بھارت کیخلاف تاریخ ساز فتح کے بعد پاکستانی اپنے اپنے انداز سے جشن مناتے دکھائی دیے، کہیں ڈھول کی تھاپ پر رقص کیا گیا تو کہیں مٹھائیاں تقسیم کی گئیں۔

میچ میں فتح، لال حویلی میں جشن

آئی سی سی ورلڈکپ میں روایتی حریف بھارت کے خلاف یادگار کامیابی پر لال حویلی میں بھی خوب جشن کا سماں رہا۔

سوشل میڈیا پر بھی پاکستان کی جیت کے ساتھ ہی صارفین نے ’جیو تو ایسے‘ کی مناسبت سے تبصرے کرنا شروع کردیے۔

کچھ صارفین نے جیت کے بعد کہا کہ اب ’جیو تو ایسے‘ ٹوئٹ کرنے کا وقت ہوگیا ہے تو کسی نے ’جیو تو ایسے‘ کے میوزک پر بھنگڑے بھی ڈالے۔

ایک صارف نے لکھا کہ ’ جیو کا جیو تو ایسے سُن کر ویسے ہی خوشی ڈبل ہوجاتی ہے۔‘

ایک صارف نے لکھا کہ یار بس آج جیو تو ایسے سننا ہے مجھے۔

ایک  صارف نے تو میچ میں جیت کے بعد’جیو تو ایسے‘ سننے کے لیے جیو نیوز لگایا۔

خیال رہے کہ گزشتہ روز کپتان بابر اعظم اور محمد رضوان کی ناقابل شکست نصف سنچریوں کی بدولت پاکستان نے بھارت کو 10 وکٹوں سے شکست دے کر ٹی ٹوئنٹی ورلڈ کپ میں اپنے حریف سے پہلی بار فتح حاصل کی۔

بھارت کو شکست دینے کے بعد قومی ٹیم کی ’پرفیکٹ‘ سیلفی

قومی کرکٹ ٹیم کی ٹی ٹوئنٹی ورلڈکپ میں بھارت کیخلاف تاریخ ساز فتح کے بعد ’پرفیکٹ‘ سیلفی کے ہر جانب چرچے ہیں۔

قومی کرکٹ ٹیم کی اوپننگ جوڑی بابر اعظم اور محمد رضوان نے شاندار بیٹنگ کرتے ہوئے بھارت کا غرور خاک میں ملایا۔