عدالت کے باہر وزیرِ اعظم عمران خان سے صحافی کا اہم سوال

سپریم کورٹ آف پاکستان کے طلب کرنے پر وزیرِ اعظم عمران خان پیش ہو گئے۔

سپریم کورٹ حکم دے، ہم ایکشن لیں گے: وزیرِ اعظم عمران خان

وزیرِ اعظم عمران خان سانحہ آرمی پبلک اسکول (اے پی ایس) از خود نوٹس کیس میں سپریم کورٹ آف پاکستان کے طلب کرنے پر پیش ہو گئے، وہ روسٹرم پر آگئے جہاں انہوں نے کھڑے ہو کر کہا کہ میں قانون کی حکمرانی پر یقین رکھتا ہوں، ملک میں کوئی مقدس گائے نہیں ہے، آپ حکم کریں، ہم ایکشن لیں گے۔

اس موقع پر ایک صحافی نے کمرۂ عدالت کے باہر ان سے سوال کیا کہ آپ سانحۂ آرمی پبلک اسکول پر عدالت کو کیا جواب دیں گے؟

وزیرِ اعظم عمران خان نے صحافی کو جواب دیا کہ جو عدالت پوچھے گی اس کا جواب دوں گا۔

واضح رہے کہ وزیرِ اعظم عمران خان سانحہ آرمی پبلک اسکول (اے پی ایس) از خود نوٹس کیس میں سپریم کورٹ آف پاکستان کے حکم پر پیش ہوئے ہیں۔