ملک بھر میں خسرہ اور روبیلا سے بچاؤ کی مہم آج سے شروع

کراچی سمیت ملک بھر میں آج سے 12 روزہ انسداد خسرہ اور روبیلا مہم کا آغاز ہورہا ہے، مہم 27 نومبر تک جاری رہے گی۔

محکمہ صحت سندھ کے مطابق مہم میں سندھ کے ایک کروڑ 90 لاکھ سے زائد بچوں کو ٹیکے لگائے جائیں گے۔

اس حوالے سے سی ای او ہیلتھ ڈاکٹر فیصل ملک نے کہا کہ مہم کے دوران 9 ماہ سے 15 سال تک کی عمر کے تمام بچوں کو حفاظتی ٹیکے لگائے جائیں گے جبکہ 60 فیصد سے زائد مہم اسکولوں میں بچوں کو ٹیکے لگاکر مکمل کی جائے گی۔

خسرہ سے اس سال پاکستان میں 800 اموات ہوچکیں، والدین بچوں کو حفاظتی ٹیکے لگوائیں، ماہرین

پاکستان میں پچھلے سال کے مقابلے میں اس سال خسرے کے چار گنا زائد کیسز رپورٹ ہوئے ہیں اور خدشہ ہے کہ اب تک اس مرض کے نتیجے میں پورے ملک میں 800 سے زائد بچوں کی اموات ہو چکی ہونگی، والدین سے درخواست ہے کہ پیر، 15 نومبر سے شروع ہونے والی مہم کے دوران اپنے بچوں کو خسرہ اور روبیلا کا ٹیکا ضرور لگوائیں۔

سی ای او ہیلتھ ڈاکٹر فیصل ملک نے کہا کہ لاہور میں 48 لاکھ سے زائد بچوں کو حفاظتی ٹیکے لگائے جائیں گے۔

ڈاکٹر فیصل ملک نے کہا کہ خسرہ اور روبیلا جان لیوا بیماری ہے، والدین اپنے بچوں کو ضرور ویکسینیٹ کروائیں۔

محکمہ صحت پنجاب کے مطابق مہم کے دوران 5 سال کی عمر کے تمام بچوں کو پولیو سے بچاؤ کے حفاظتی قطرے بھی پلائے جائیں گے۔