• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آتشزدگی سے متاثرہ مارکیٹ کے تاجروں کی وزیراعلیٰ سندھ سے معاونت کی گزارش

کراچی کے علاقے صدر میں آگ سے متاثرہ مارکیٹ کے تاجروں نے وزیراعلیٰ سندھ سید مراد علی شاہ سے معاونت کی گزارش کردی۔

آتشزدگی سے متاثرہ مارکیٹ کے تاجروں محمد فیروز، حنیف میمن، وقار غوری و دیگر نے پریس کانفرنس کی اور مارکیٹ میں لگی آگ کی مکمل تحقیقات کا مطالبہ کیا ہے۔

محمد فیروز نے کہا کہ آگ لگنے کے واقعے کو 25 گھنٹوں سے زائد ہوگئے ہیں لیکن اب تک سندھ حکومت کاکوئی نمائندہ نہیں آیا ہے۔

انہوں نے کہاکہ آگ لگنے کے باعث سیکڑوں دکانیں ختم ہوگئیں، متاثرین بےروزگار ہوگئے، وفاقی و صوبائی حکومت بحالی کا کام کریں۔

تاجر رہنما حنیف میمن نے کہا کہ مارکیٹ میں آگ لگنے کی مکمل تحقیقات کی جائیں اور وزیراعلیٰ سے گزارش ہے کہ ہماری معاونت کریں۔

وقار غوری نے مزید کہا کہ سندھ اسمبلی کا اجلاس ہوا، لیکن کوئی ہمارے پاس نہیں آیا، مرتضیٰ وہاب نے کہا اکیلا نہیں چھوڑیں گے لیکن انہوں نے پوچھا بھی نہیں۔

قومی خبریں سے مزید