• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزارت خزانہ نے شوکت ترین کے بیان کی وضاحت کردی


وزارت خزانہ نے مشیر خزانہ شوکت ترین کے ایل این جی خریداری سے متعلق بیان کی وضاحت کردی۔

وزارت خزانہ نے کہا کہ مشیر خزانہ سے منسوب خبر غلط اور سیاق و سباق سے ہٹ کر چلائی جا رہی ہے، ٹی وی اینکر نے مشیر خزانہ سے ملک میں گیس کی کمی کے بارے میں سوال کیا تھا۔

اعلامیے کے مطابق مشیر خزانہ نے کہا کہ عالمی سطح پر ایل این جی کی کمی سے ایسی صورتحال پیدا ہوئی ہے۔ حکومت قیمت بڑھنے کے باوجود ایل این جی خریدتی رہی ہے۔

وزارت خزانہ کے اعلامیے کے مطابق جولائی میں ایل این جی خریداری کا ایک ٹینڈر منسوخ کیا گیا تھا۔ منسوخی کا موسم سرما میں گیس کی قلت سے کوئی تعلق نہیں ہے۔

اعلامیے میں مزید کہا گیا ہے کہ مشیر خزانہ نے یہ نہیں کہا کہ گیس کی کمی ایل این جی خریداری نہ ہونے کی وجہ سے ہے۔

قومی خبریں سے مزید