• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جعلی ویڈیو اور آڈیو ن لیگ کا وتیرہ بن گیا، فواد چوہدری

تازہ ترین
قومی خبریں
27 نومبر ، 2021


وفاقی وزیر اطلاعات و نشریات فواد چوہدری کا کہنا ہے کہ جعلی ویڈیو اور آڈیو مسلم لیگ نون کا وتیرہ بن گیا ہے، فوج اور عدلیہ کو دباؤ میں لانے کی سازش کی گئی، عدلیہ کو اس کا نوٹس لینا چاہیے۔

وفاقی وزیر اطلاعات فواد چوہدری نے میڈیا سے گفتگو کرتے ہوئے کہا کہ 30 سال حکمرانی کے باعث ہر ادارے میں اپنے لوگ بھرتی کیے گئے، دباؤ میں لانے کیلئے اداروں کیخلاف مہم چلائی گئی جس کا مقصد نواز شریف کے مقدمے ختم کرانا ہے۔

فواد چوہدری کا کہنا تھا کہ جب بھی نواز شریف اور مریم نواز پر مقدمات آخری مراحل پر پہنچتے ہیں تو اسے سبوتاژ کرنے کی کوشش کی جاتی ہے، رانا شمیم نون لیگ کے عہدیدار تھے، ان کو گلگت بلتستان کا چیف جج لگایا گیا اور مرضی کے ایفیڈیوٹ لیے گئے۔

حکومت نے نہیں کہا آڈیو بنائی گئی ہے، فواد چودھری

شاہ زیب خانزادہ نے وفاقی وزیر سے سوال کیا کہ کیا رپورٹ میں جسٹس ثاقب نثار سے منسوب یہ جملہ بھی ہے کہ ’’اس کیس میں میاں صاحب کو سزا دینی ہے‘‘ کیا اس میں یہ جملہ ہے کہ ’’کہا گیا ہے کہ ہم نے خان صاحب کو لانا ہے‘‘

وزیر اطلاعات نے کہا کہ نواز شریف نے جائیدادیں بنائیں اور انٹرنیشنل اسکیم میں سامنے آئیں، رسیدیں مانگیں تو آئیں بائیں شائیں کرتے ہیں۔

انہوں نے مزید کہا کہ میں سمجھتا ہوں کہ آزادی اظہار رائے پر پابندی نہیں ہونی چاہیے، مریم نواز اگر سمجھتی ہیں کہ وہ آڈیوز ان کا کیس مضبوط کرسکتی ہیں تو عدالت جائیں۔

ان کا یہ بھی کہنا تھا کہ آئی ایم ایف کے ساتھ معاہدہ آخری مراحل میں ہے، پاکستان کے معاشی حالات میں بھی بہتری آئے گی۔

ثاقب نثار کی مبینہ آڈیو کا فارنزک تجزیہ کرنے والی امریکی فرم کا دھمکیاں ملنے کا دعویٰ

کمپنی کا کہنا ہے کہ اُن کی ٹیم کو فارنزک نتیجہ بدلنے پر مجبور کرنا غیر اخلاقی ہے۔

فواد چوہدری نے کہا کہ عالمی منڈی میں تیل کی قیمتوں میں کمی کا اثر ملک میں دو ماہ بعد پہنچتا ہے، اس ہفتے کھانے پینے کی چیزوں کی قیمتوں میں کمی آئی ہے، تیل کی قیمتیں مزید نیچے آنے سے مہنگائی کم ہونا شروع ہوگی۔

تازہ ترین