ملک کے مختلف شہروں میں گیس کا بحران جاری

ملک کے مختلف شہروں میں گیس کا بحران جاری ہے، جس کے باعث شہریوں کو روزمرہ کے کاموں کو انجام دینے میں سخت مشکلات کا سامنا کرنا پڑ رہا ہے۔

کراچی میں گلشن معمار، اورنگی ٹاؤن، نیو کراچی، کھارادر، کیماڑی، سی ویو اور ملیر سمیت کئی علاقوں میں کہیں گیس کی طویل لوڈشیڈنگ تو کہیں پریشر میں کمی کی وجہ سے لوگوں کو سخت مشکلات کا سامنا ہے۔

صدر ٹاؤن میں صبح صرف ایک سے ڈیڑھ گھنٹہ گیس آتی ہے، اس کے بعد غائب ہوجاتی ہے پھر رات گیارہ بجے ہی گھروں میں چولہے جلتے ہیں۔

سندھ،بلوچستان کی جنرل انڈسٹریز کے کیپٹیو پاور پلانٹس کو گیس فراہمی منقطع

سوئی سدرن نے سندھ اور بلوچستان کی جنرل انڈسٹریز کے کیپٹیو پاور پلانٹس کو گیس فراہمی منقطع کردی۔

دوسری جانب پنجاب کے کئی شہروں میں بھی گیس کی قلت ہے۔ لاہور کے بعض علاقوں میں گیس پریشر میں کمی ہے جبکہ بہاولنگر کے شہری بھی گیس کی لوڈشیڈنگ سے پریشان ہیں۔

ترجمان سوئی گیس کمپنی کا کہنا ہے کہ سردی کی وجہ سے گیس کی طلب بڑھی ہے، لوڈشیڈنگ نہیں کی جارہی۔