• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شاداب خان کی یونس خان کو سالگرہ کی مبارک باد

پاکستان کرکٹ ٹیم کے آل راؤنڈر شاداب خان کا کہنا ہے کہ میری خوش قسمتی تھی کہ میں نے یونس خان کی رہنمائی میں اپنے ٹیسٹ کا ڈیبیو کیا۔

یہ بات شاداب خان نے سماجی رابطے کی ویب سائٹ ٹوئٹر اپنے ایک پیغام میں کہی۔

شاداب خان نے پاکستان کرکٹ ٹیم کے سابق کپتان یونس خان کو سالگرہ کی مبارک باد دیتے ہوئے ان کے ساتھ اپنی تصویر بھی شیئر کی ہے۔

پاکستان کرکٹ ٹیم کے آل راؤنڈرنے کہا کہ میں آپ کی صلاحیتوں سے ہمیشہ متاثر ہوا ہوں۔

شاداب خان نے مزید کہا کہ یہ سال آپ کیلئے بہت اچھا ثابت ہو۔

واضح رہے کہ یونس خان پاکستان کے پہلے کھلاڑی ہیں جنہوں نے اپنے ٹیسٹ کیریئر میں دس ہزار سے زیادہ رنز بنائے ہیں، جن میں 34 سنچریاں بھی شامل ہیں۔

29 نومبر 1977 کو پیدا ہونے والے پاکستان کرکٹ ٹیم کے سابق کپتان یونس خان آج اپنی 44 ویں سالگرہ منارہے ہیں، مداحوں کی جانب سے ان کے لیے تہنیتی پیغامات کا سلسلہ جاری ہے، آئی سی سی نے بھی انہیں سالگرہ کی مبارک باد دی ہے۔

کھیلوں کی خبریں سے مزید