کترینہ کیف اور وکی کوشل کی شادی کیلئے کتنے ہوٹل بک ہوئے ہیں؟

بالی ووڈ کی معروف اداکارہ کترینہ کیف اور وکی کوشل کی 7سے 9 دسمبر کے درمیان شادی کی تقریبات کے لیے فائیو اسٹار لگژری ہیریٹیج ہوٹل سکس سینسز کی بکنگ کروائی گئی ہے۔

بھارتی میڈیا کی رپورٹ کے مطابق، کترینہ کیف اور وکی کوشل کی شادی کی تقریبات کے لیے راجستھان کے ضلع سوائی مادھو پور کے فائیو اسٹار لگژری ہیریٹیج ہوٹل سکس سینس فورٹ کی بکنگ کروائی گئی ہے۔

رپورٹس میں یہ بات بھی سامنے آئی ہے کہ کترینہ کیف اور وکی کوشل کی شادی میں مدعو کیے گئے مہمانوں کے لیے راجھستان کے تقریباََ 45 سے زائدہوٹل بک کیے گئےہیں۔

رپورٹ میں مزید بتایا گیا ہے کہ مذکورہ تاریخوں میں ہوٹل کسی بھی دوسری بکنگ سے انکار کر رہے ہیں کیونکہ اس دوران بہت سے نامور بالی ووڈ اداکاروں کےوہاں آنے کی توقع ہے۔ 

شادی میں متوقع طور پر آنے والے مہمانوں میں بھارتی فلم نگری سےاداکار شاہ رخ خان اور سلمان خان جیسے بڑے نام بھی شامل ہیں۔

شاہ رخ خان، کترینہ کیف اور وکی کوشل کی شادی میں شریک ہوں گے؟

بالی ووڈ اسٹار شاہ رخ خان کا نام کترینہ کیف اوروکی کوشل کی شادی میں مدعو کیے گئے مہمانوں کی فہرست میں شامل ہے۔

واضح رہے کہ بھارتی میڈیا رپورٹس کے مطابق کترینہ کیف اور وکی کوشل کی شاہی شادی دسمبر کے پہلے ہفتے میں راجستھان کے علاقےسوائی مدھو پور کے سکس سینسز فورٹ برواڑا میں ہوگی جبکہ اداکارہ کا عروسی لباس مشہور فیشن ڈیزائنر سابیا ساچی نے ڈیزائن کیا ہے۔

دوسری جانب ابھی تک کترینہ کیف اور وکی کوشل کی جانب سے اپنی شادی سے متعلق پھیلی افواہوں کی تصدیق یا تردید نہیں کی گئی ہے۔