• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ضمنی انتخاب: الیکشن کمشنر پنجاب کا پولنگ اسٹیشنز کا دورہ

—فائل فوٹو
—فائل فوٹو

لاہور کے قومی اسمبلی کے حلقے این اے 133 میں ہونے والے ضمنی الیکشن کے سلسلے میں الیکشن کمشنر پنجاب غلام اسرار خان نے مختلف پولنگ اسٹیشنز کا دورہ کیا۔

الیکشن کمشنر پنجاب غلام اسرار خان نے مختلف پولنگ اسٹیشنز پر دورے کے دوران انتظامات کا جائزہ لیا۔

اس موقع پر انہوں نے میڈیا سے گفتگو کرتے ہوئے بتایا کہ اب تک 10 پولنگ اسٹیشنز کا دورہ کیا ہے۔

الیکشن کمشنر پنجاب نے مزید بتایا کہ تمام پولنگ اسٹیشنز پر پُر امن ماحول میں پولنگ کا عمل بلا تعطل جاری ہے۔

غلام اسرار خان کا یہ بھی کہنا ہے کہ کسی پولنگ اسٹیشن سے کوئی شکایت موصول نہیں ہوئی ہے۔

واضح رہے کہ لاہور کے قومی اسمبلی کے حلقے این اے 133 میں ضمنی انتخاب کے لیے پولنگ شام 5 بجے تک کسی وقفے کے بغیر جاری رہے گی۔

این اے 133 لاہور کی نشست مسلم لیگ نون کے ایم این اے محمد پرویز ملک کے انتقال کے باعث خالی ہوئی تھی۔

مسلم لیگ نون کی شائستہ پرویز ملک اور پیپلز پارٹی کے چوہدری اسلم گِل سمیت 11 امیدوار اس حلقے میں میدان میں ہیں۔

ضمنی انتخاب میں سیکیورٹی کے لیے اس حلقے میں 2 ہزار سے زائد پولیس اہلکار تعینات کیئے گئے ہیں جبکہ رینجرز اہلکاروں کا گشت بھی جاری ہے۔

قومی خبریں سے مزید