عمران خان سے چھٹکارا حاصل کرنے کیلئے تمام قانونی آپشنز استعمال کریں گے، حمزہ شہباز

پنجاب اسمبلی میں اپوزیشن لیڈر اور مسلم لیگ (ن) کے نائب صدر حمزہ شہباز نے کہا ہے کہ عمران خان سے چھٹکارا حاصل کرنے کے لیے تمام قانونی آپشنز استعمال کریں گے۔

لاہور میں تقریب سے خطاب کرتے ہوئے حمزہ شہباز کا کہنا تھا کہ جنوبی ایشیا کے مختلف ممالک میں مہنگائی کم ہورہی ہے، پاکستان واحد ملک ہے جہاں پر مہنگائی آسمان سے باتیں کر رہی ہیں۔

کراچی، احسن اقبال نے گرین لائن بس منصوبے کا علامتی افتتاح کر دیا

رہنما مسلم لیگ نون احسن اقبال نے ناظم آباد میں گرین لائن بس منصوبے کا علامتی افتتاح کر دیا۔

انہوں نے کہا کہ نیازی صاحب کو کون سمجھائے کہ پاکستان میں مہنگائی دہرا ہندسہ عبور کرگئی،  آج یہاں بھوک افلاس اور بے روزگاری ہے مگر نیازی صاحب اپنی اے ٹی ایم کے ساتھ خوش ہیں۔

حمزہ شہباز کا کہنا تھا کہ ’پاکستان میں اب بھی مہنگائی کم ہے‘ کہہ کر غریبوں کا مذاق اڑایا گیا ہے۔

ن لیگی نائب صدر نے کہا کہ ہوشربا مہنگائی سے تو عوام تنگ تھے ہی اب ان کی زبان سے بھی محفوظ نہیں رہے۔

شہباز شریف کا آصف زرداری کے بیان پر افسوس کا اظہار

مسلم لیگ نون کے صدر شہباز شریف کا کہنا ہے کہ زرداری صاحب کا نوازشریف کے بارے میں بیان افسوسناک ہے

حمزہ شہباز کا کہنا تھا کہ انشاء اللّٰہ قوم ان کے جھوٹ کا مقابلہ کرے گی، جبکہ حکومت کے خلاف پاکستان ڈیموکریٹک موومنٹ پارلیمنٹ کے اندر اور باہر مارچ کرے گی۔

انہوں نے کہا کہ نیازی صاحب سے چھٹکارا حاصل کرنے کے لیے تمام قانونی آپشنز استعمال کریں گے۔

ان کا یہ بھی کہنا تھا کہ غریب کے دکھوں میں اضافہ کردیا گیا ہے، گوشت، برائلر مرغی، دہی، دودھ کی قیمتوں میں اضافہ کر دیا گیا ہے۔

انہوں نے کہا کہ سردیوں میں گیس کی لوڈ شیڈنگ ہو رہی ہے، اللّٰہ کی مخلوق عمران نیازی سے تنگ آچکی ہے۔