شہباز گل نے مریم نواز کو بہن، جنید صفدر کو بھانجا کہہ دیا

وزیراعظم عمران خان کے معاون خصوصی شہباز گل نے سابق وزیر اعظم نواز شریف کی صاحبزادی مریم نواز کو بہن اور اُن کے صاحبزادے جنید صفدر کو بھانجا کہہ دیا۔

میڈیا سے گفتگو میں شہباز گل نے کہا کہ جنید ہمارا بھانجا ہے، شادی کی تقریبات میں اچھا لگ رہا تھا، ہماری بہن مریم بھی اچھی لگ رہی تھیں۔

انہوں نے طنزیہ انداز میں کہا کہ شادی میں جنید صفدر اور مریم نواز کے ڈریسز دیکھیں، اس موقع پر والد کیپٹن (ر) محمد صفدر کو بھی کوئی اچھا ڈریس پہنا دیتے۔

عمران خان پر الزام، شہباز گل کا جسٹس وجیہہ کو لیگل نوٹس بھیجنے کا اشارہ

وزیراعظم عمران خان کے معاون خصوصی شہباز گل نے جسٹس (ر) وجیہہ الدین احمد کو لیگل نوٹس بھیجنے کا اشارہ دے دیا۔

وزیراعظم کے معاون خصوصی نے مزید کہا کہ شادی تقریبات میں صفدر کو دیکھ کر لگ رہا تھا، کہیں سے بیرا پکڑ لائے ہیں۔

شہباز گل نے اس موقع پر شکایت بھرے انداز میں کہا کہ جنید صفدر کی شادی کے موقع پر سب نے بھارتی گانے گائے، پاکستانی گانا بھی گا لیتے۔