• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلدیاتی الیکشن: سندھ اور پنجاب میں حلقہ بندی کا شیڈول جاری


الیکشن کمیشن نے سندھ اور پنجاب میں بلدیاتی الیکشن کے حوالے سے حلقہ بندی کا شیڈول جاری کردیا۔

شیڈول کے مطابق سندھ میں یونین کونسل (یو سی) اور وارڈز کی حلقہ بندیوں کی حتمی اشاعت 24 مارچ تک کردی جائے گی۔

شیڈول کے مطابق پنجاب میں ولیج اور نیبرہڈ کونسل کی حلقہ بندیوں کی حتمی اشاعت 22 مارچ کو کی جائے گی۔

شیڈول کے مطابق سندھ میں حلقہ بندی کے حوالے سے انتظامی تیاری بشمول نقشہ جات اور ڈیٹا 31 دسمبر سے 14 جنوری تک مکمل کی جائے گی۔

حلقہ بندی کمیٹی یونین کونسل، وارڈز کی ابتدائی فہرست 17 جنوری سے 15 فروری تک تیار کرے گی جبکہ ابتدائی فہرستوں کی اشاعت 16 فروری کو کی جائے گی۔

حلقہ بندیوں کے سامنے اعتراضات 17 فروری سے 4 مارچ تک جمع کرائے جائیں گے اورحلقہ بندیوں پر اعتراضات21 مارچ تک نمٹا دیے جائیں گے۔

حلقہ بندی اتھارٹیاں 22 مارچ تک اپنے فیصلوں سے حلقہ بندی کمیٹیوں کو آگاہ کردیں گی اور سندھ میں یو سی اور وارڈز کی حلقہ بندیوں کی حتمی اشاعت 24 مارچ کو کر دی جائے گی۔

الیکشن کمیشن نے پنجاب میں ولیج اور نیبر ہڈ کونسل کی حلقہ بندی کا بھی شیڈیول جاری کر دیا۔

حلقہ بندی کے حوالے سے انتظامی تیاری بشمول نقشہ جات، ڈی مارکیشن کا تازہ نوٹیفکیشن اور ڈیٹا 27 دسمبر سے 10 جنوری تک مکمل کیا جائے گا۔

حلقہ بندی کمیٹی یونین کونسل، وارڈز کی ابتدائی فہرست 11 جنوری سے 9 فروری تک تیار کرے گی، ابتدائی فہرستوں کی اشاعت 10 فروری کو کی جائے گی۔

حلقہ بندیوں کے سامنے اعتراضات 11 فروری سے 25 فروری تک جمع کرائے جائیں گے جبکہ حلقہ بندیوں پر اعتراضات11 فروری سے 12 مارچ تک نمٹا دیے جائیں گے۔

حلقہ بندی اتھارٹیاں 13 مارچ سے 19 مارچ تک اپنے فیصلوں سے حلقہ بندی کمیٹیوں کو آگاہ کر دیں گی۔

پنجاب میں ولیج اور نیبرہڈ کونسل حلقہ بندیوں کی حتمی اشاعت 22 مارچ کو کر دی جائے گی۔

قومی خبریں سے مزید