پروازوں، پائلٹس کی بحالی کا معاملہ، پاکستان سول ایوی ایشن اتھارٹی کے رابطے

ایوی ایشن کی بین الاقوامی تنظیم اکاؤ کی جانب سے پاکستان سول ایویشن اتھارٹی پر عائد تمام پابندیاں ختم کرنے کے بعد پاکستان سول ایوی ایشن اتھارٹی (پی سی اے اے ) نے یورپی کمیشن اور یو کے سول ایوی ایشن سے رابطے شروع کر دیئے ہیں تاکہ ان اداروں کو سی اے او کی طرف سے حفاظتی خدشات کے حل سے آگاہ کیا جاسکے۔

ترجمان کے مطابق اس امر پر زور دیا جائے گا کہ پاکستانی رجسٹرڈ ایئر لائنز کو جلد سے جلد برطانیہ اور یورپ کے لیے آپریشن کی اجازت دی جائے۔

پاکستانی ایئر لائنز پر سے یورپ، برطانیہ، امریکا کیلئے عائد پابندیاں ختم

پاکستان میں شعبۂ ہوابازی کے لئے اچھی خبر یہ ہے کہ ہوا بازی کی بین الاقوامی تنظیم ’اکاو‘ نے پاکستان سول ایوی ایشن پر عائد تمام پابندیاں ختم کر دیں، پی آئی اے سمیت تمام ملکی ایئر لائنز پر یورپ ، برطانیہ اور امریکا کے لئے عائد پابندیاں ختم ہوگئیں۔

ترجمان نے توقع ظاہر کی ہے کہ برطانیہ اور یورپی یونین اس معاملے کو فاسٹ ٹریک پر رکھ کر اجازت نامہ جاری کریں گی۔

ترجمان کے مطابق پاکستان سے سول ایوی ایشن اتھارٹی اب مارچ کے آخر تک پائلٹس کے امتحانات شروع کرے گی جس کے بعد تمام پائلٹس کو لائسنس جاری کرنے کا عمل شروع کیا جائے گا۔

واضح رہے کہ ایوی ایشن کی بین الاقوامی تنظیم اکاؤ نے پاکستان سول ایوی ایشن اتھارٹی پر عائد تمام پابندیاں ختم کردیں جس کے بعد پاکستانی پائلٹس اور پی آئی اے سمیت دیگر ائیرلائنز پر عائد سفری پابندیاں ختم ہوجائیں گی۔