مری کے تمام انٹری پوائنٹس پر سیاحوں کو روکنے کیلئے خصوصی پکٹس قائم

راولپنڈی ٹریفک پولیس کے مطابق مری کے تمام انٹری پوائنٹس پر سیاحوں کو روکنے کیلئے خصوصی پکٹس قائم کردیے گئے ہیں۔

آگاہی اعلانات کے باوجود بڑی تعداد میں سیاح مری کے داخلی راستوں پر موجود ہیں۔

چیف ٹریفک آفیسر (سی ٹی او) راولپنڈی اضافی نفری کے ساتھ گزشتہ شام سےمری میں سیاحوں کو ریسکیو کرنے میں مصروف ہیں۔

سی ٹی او تیمور خان کا کہنا ہے کہ راولپنڈی ٹریفک پولیس تمام تر وسائل کو بروئے کار لا رہی ہے، مسلسل برفباری کی وجہ سے سڑکوں پر پھسلن ہے، برف جمنے سے ٹریفک کی روانی متاثر ہے۔

مری آفت زدہ قرار، ایمرجنسی نافذ

پنجاب حکومت نے مری کو آفت زدہ قرار دے دیا، وزیر اعلی پنجاب سردار عثمان بزدار نے آحکامات جاری کردیے۔

مری میں گاڑیوں میں پھنسے 19 افراد جاں بحق ہو گئے: شیخ رشید

وفاقی وزیرِ داخلہ شیخ رشید احمد کا کہنا ہے کہ رات سے 1 ہزار گاڑیاں مری میں پھنسی ہوئی ہیں، ان پھنسی ہوئی گاڑیوں میں 16 سے 19 افراد کی اموات ہوئی ہیں۔

سی ٹی او کے مطابق ٹریفک پولیس پنجاب ہائی وے کی مشینری کے ساتھ ملکر برف ہٹانے میں مصروف ہیں، سیاحوں کو ریسکیو کر کے محفوظ مقام پر پہنچانا اولین ترجیح ہے، اسنو بائیک کے ذریعے سیاحوں کو ریسکیو کیا جا رہا ہے۔

سی ٹی او راولپنڈی تیمور خان نے بتایا کہ مری آنے والے تمام سیاحوں کو واپس بھیجا رہا ہے، شہری ٹریفک پولیس سے تعاون کریں، کرین اور ٹو ٹرک سےبرف میں پھنسے سیاحوں کو نکالا جا رہا ہے ۔