• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی: غیرت کے نام پر وزیرستان سے تعلق رکھنے والا جوڑا قتل

افضل ندیم ڈوگر
تازہ ترین
قومی خبریں
12 جنوری ، 2022
ملیر کراچی میں قتل ہونے والے مر اور خاتون کی لاشیں ایمبولینس کے ذریعے اسپتال منتقل کی جا رہی ہیں
ملیر کراچی میں قتل ہونے والے مر اور خاتون کی لاشیں ایمبولینس کے ذریعے اسپتال منتقل کی جا رہی ہیں

کراچی کے علاقے ملیر کے بن قاسم ٹاؤن تھانے کی حدود میں نصیر آباد میں فائرنگ کا واقعہ پیش آیا ہے جس میں غیرت کے نام پر خاتون سمیت 2 افراد کو قتل کر دیا گیا۔

سینئر سپرنٹنڈنٹ پولیس ملیر عرفان علی بہادر کے مطابق واقعہ بن قاسم کے علاقے پیپری نصیر آباد میں آج (بدھ کی) صبح سویرے پیش آیا۔

قتل ہونے والے دونوں افراد کا تعلق وزیرستان سے بتایا جاتا ہے۔

پاکپتن: جائیداد کا تنازعہ، نوبیاہتا جوڑا قتل

پاکپتن میں محبت کی شادی کرنے والے جوڑے کو قتل کر دیا گیا، پولیس کا کہنا ہے کہ دوہرا قتل جائیداد کے تنازع پر ہوا، پولیس نے مقتول کےبھائی کی مدعیت میں مقدمہ درج کرکے 2 ملزمان کو گرفتار کر لیا ہے۔

پولیس کے مطابق فائرنگ سے ہلاک کی گئی خاتون کی لاش گھر کے اندر جبکہ مرد کی لاش باہر گلی میں پڑی تھی۔

بن قاسم پولیس کے مطابق دونوں کو پستول سے گولی مار کر قتل کیا گیا ہے، ابتدائی تحقیقات کے مطابق شبہ ہے کہ واقعہ غیرت کے نام پر قتل کا ہے۔

فائرنگ کرنے والے ملزمان کی تعداد کے بارے میں بھی معلوم نہیں ہو سکا ہے جو واردات کے بعد فرار ہو گئے۔

قریبی واقع کریانہ اسٹور کے مالک نے پولیس کو بتایا کہ انہوں نے صبح سویرے چیخ و پکار اور فائرنگ کی آواز سنی۔

کراچی: جوڑا قتل، مقتولہ کے 2 بھائی گرفتار

کراچی کے علاقے ناظم آباد میں ہونے والے جوڑے کے قتل میں مقتولہ کے 2 بھائیوں کو گرفتار کر لیا گیا ہے جن سے تحقیقات جاری ہیں، قتل کی واردات غیرت کے نام پر کی گئی۔

ایدھی ترجمان کے مطابق دونوں لاشیں ضابطے کی کارروائی کے بعد ریسکیو ورکرز نے جناح اسپتال منتقل کر دیں۔

مقتول نوجوان کی شناخت 22 سالہ ولی الرحمٰن اور خاتون کی شناخت زاہدہ بی بی کے نام سے ہوئی ہے۔

پولیس کے مطابق مقتولین قریبی عزیز تھے، پولیس کو شبہ ہے کہ مقتولہ کا شوہر مختار واردات میں ملوث ہے۔

ملزمان نے نائن ایم ایم پستول سے فائرنگ کی تھی جس کے پولیس نے جائے وقوع سے فائر شدہ 4 خول اور 3 راؤنڈ تحویل میں لیے ہیں۔

قومی خبریں سے مزید