سانحۂ مری کی تحقیقاتی کمیٹی کا اجلاس آج طلب

صوبۂ پنجاب کے وزیرِ اعلیٰ سردار عثمان بزدار نے سانحۂ مری کی تحقیقات کے لیے بنائی گئی کمیٹی کا اجلاس آج طلب کر لیا۔

پنجاب کے وزیرِ اعلیٰ سردار عثمان بزدار کی زیرِ صدارت سانحۂ مری پر بنائی گئی تحقیقاتی کمیٹی کا اجلاس آج شام ہو گا۔

اجلاس میں سانحۂ مری کی تحقیقاتی کمیٹی اپنی سفارشات اور حقائق پیش کرے گی۔

سانحۂ مری: ہائی وے ڈپارٹمنٹ نے ذمے داری ٹریفک پولیس پر ڈال دی

ملکۂ کوہسار مری میں پیش آنے والے سانحے پر پنجاب ہائی وے ڈپارٹمنٹ کی رپورٹ موصول ہو گئی جس کے مطابق پنجاب ہائی وے اتھارٹی نے سانحۂ مری کی ذمہ داری ٹریفک پولیس اور انتظامیہ پر ڈال دی۔

کمیٹی نے حقائق جاننے کےلیے گزشتہ دنوں مری کا دورہ کیا تھااور وہاں مختلف لوگوں کے بیانات قلم بند کیے تھے۔

تحقیقاتی کمیٹی نے مری میں برف باری کے دوران مرتب کیے گئے پلان پر عمل درآمد کا بھی جائزہ لیا۔