یمنیٰ زیدی کی والدہ کو شاعرانہ انداز میں سالگرہ کی مبارکباد

21 جنوری ، 2022

پاکستانی شوبز انڈسٹری کی معروف اداکارہ یمنیٰ زیدی نے اپنی والدہ کو شاعرانہ انداز میں سالگرہ کی مبارکباد دی ہے۔

یمنیٰ زیدی نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی ہے۔

اس ویڈیو میں اُنہیں اپنی والدہ کے لیے ایک خوبصورت نظم پڑھتے ہوئے دیکھا جاسکتا ہے۔

وہ آنکھوں کی کمزوری جس میں سب سے زیادہ مضبوطی ہے۔
وہ ہاتھ جنہیں ہم تھام لیں تو کبھی گِر نہیں سکتے۔
وہ سفید بال جو اتنے حسین کہ دیکھو تو دل کو سکون ملے۔
وہ دعا جو اتنی بااثر کے ہر بلا ٹل جائے۔
وہ آغوش جس میں خود کو سمیٹ لوں تو ہر پریشانی بھول جاؤں۔
ماں میری سب سے پیاری ماں۔

انہوں نے یہ ویڈیو شیئر کرتے ہوئے لکھا کہ ’میری پیاری امّی سالگرہ بہت بہت مبارک ہو‘۔

اداکارہ کی پوسٹ کو مداحوں اور انڈسٹری کے ساتھی اداکاروں کی جانب سے بہت پسند کیا جارہا ہے اور اُن کی والدہ کو سالگرہ کی مبارکباد بھی دی جارہی ہیں۔

یمنیٰ زیدی کی اس پوسٹ پر اُن کی والدہ کو سالگرہ کی مبارکباد دینے والی انڈسٹری کی معروف شخصیات میں اداکارہ اریج فاطمہ، سائرہ یوسف، فلمساز عاصم رضا، گلوکار فیصل کپاڈیا اور دیگر شامل ہیں۔

انٹرٹینمنٹ سے مزید