اومی کرون تیزی سے پھیل رہا ہے، ترجمان خیبر پختونخوا حکومت

ترجمان خیبر پختونخوا حکومت بیرسٹر محمد سیف کا کہنا ہے کہ اومی کرون ویرینٹ تیزی سے پھیل رہا ہے، ڈپٹی کمشنر کے اختیارات ہیں کہ جہاں بھی 10 فیصد سے زائد کیسز ہوں وہاں لاک ڈاؤن نافذ کر دے۔

بیرسٹر سیف نے اپنے ایک بیان میں کہا کہ صوبائی حکومت اقدامات کر رہی ہے، مجموعی طور پر صوبے بھر میں لاک ڈاؤن نافذ کرنے کا ارادہ نہیں ہے۔

پاکستان: کُل کورونا کیسز 14 لاکھ سے متجاوز، مزید 30 اموات

پاکستان کورونا مریضوں کے حوالے سے مرتب کی گئی فہرست میں 43 ویں نمبر پر پہنچ چکا ہے، تاہم یہاں کورونا کیسز کی شرح میں مسلسل اضافہ ہو رہا ہے اور یہ گزشتہ 24 گھنٹوں کے دوران 11 اعشاریہ 92 فیصد ریکارڈ کی گئی۔

ترجمان خیبر پختونخوا حکومت کا کہنا تھا کہ صورتحال ایسی نہیں ہے کہ بڑے پیمانے پر پابندیاں عائد کی جائیں، عوام سے درخواست ہے احتیاط کریں، بوسٹر ڈوز لگوائیں۔

انہوں نے مزید کہا کہ ویکسینیشن تیز کرنے اور ٹیسٹنگ کی صلاحیت بڑھانے کیلئے صوبائی حکومت اقدامات کر رہی ہے۔