فرمان الہی
نماز کے اوقات
گلگت سے شندور ٹاپ کے راستے میں 3 فٹ برف موجود ہونے کے باعث شہریوں کو کاروبارِ زندگی چلانے کے ساتھ ساتھ میت منتقل کرنے میں بھی شدید مشکلات کا سامنا کرنا پڑا ہے۔
برف کے باعث گلگت میں انتقال کرنے والے چترال کے شہری کی میت کو اُن کے اہلِ خانہ برفیلی زمین پر کہیں اٹھا کر تو کہیں برفیلی زمین پر رکھ کر کھینچتے نظر آئے۔
متاثرہ خاندان کے مطابق چترال کے شہری جو گلگت میں مزدوری کرتے تھے گزشتہ دنوں انتقال کر گئے۔
گلگت اور چترال کے درمیان گزشتہ دنوں ہونے والی برف باری کے باعث راستے میں 3 فٹ برف موجود ہے۔
ٹھیکیداروں کو عدم ادائیگی کے باعث گلگت روڈ بھی بند ہے جس کی وجہ سے گلگت میں انتقال کرنے والے چترال کے شہری کی میت کو گلگت سے لنگار تک گاڑی میں لایا گیا۔
وہاں سے متاثرہ خاندان کے افراد میت کو 3 فٹ برفیلے راستے میں کہیں اُٹھا کر لے گئے تو کہیں برفیلی زمین پر کھینچتے رہے۔
اسی طرح تابوت سمیت تمام افراد نے شندور ٹاپ عبور کیا اور مرحوم کی میت کو ان کے آبائی علاقے لنگار سے لاسپور پہنچایا۔
