ریٹائرمنٹ کے بعد سابق چیف جسٹس گلزار احمد کی پہلی بار کراچی آمد

سابق چیف جسٹس آف پاکستان جسٹس گلزار احمد ریٹائرمنٹ کے بعد ہفتے کی شام پہلی بار کراچی پہنچے تو ان کا والہانہ استقبال کیا گیا اور انہیں معمول کا پروٹوکول اور سیکیورٹی فراہم کی گئی۔

یکم فروری کو ریٹائرمنٹ کے بعد سابق چیف جسٹس گلزار احمد ہفتہ 5 فروری کی شام نجی ایئرلائن کی پرواز آئی آر 503 سے اسلام آباد سے کراچی پہنچے۔

سابق چیف جسٹس گلزار احمد کی فیملی کے ارکان بھی ان کے ہمراہ کراچی آئے۔

کراچی ایئرپورٹ کے جناح ٹرمینل پر سپریم کورٹ آف پاکستان کی کراچی رجسٹری کے افسران نے ان کا استقبال کیا۔

جسٹس گلزار احمد کو کراچی ایئرپورٹ سے معمول کی پولیس سیکیورٹی اور پروٹوکول میں ڈیفنس میں واقع ان کی نجی رہائشگاہ پہنچایا گیا۔

بتایا گیا ہے کہ جسٹس (ر) گلزار احمد اگلے چند روز تک کراچی میں قیام کریں گے۔