سعودی کابینہ کی یوکرین کشیدگی میں کمی کیلئے عالمی کوششوں کی حمایت

سعودی عرب کی کابینہ یوکرین کشیدگی میں کمی کے لیے بین الاقوامی کوششوں کی حمایت کی ہے۔

سعودی فرمانروا شاہ سلمان بن عبدالعزیز کی زیرصدارت کابینہ کا اجلاس ہوا۔  

عرب میڈیا کی رپورٹ کے مطابق اس موقع پر قائم مقام وزیراطلاعات نے اجلاس میں زیربحث اہم نکات پر بیان جاری کیا ہے۔

رپورٹ کے مطابق سعودی عرب یوکرین کشیدگی پرخلیج تعاون کونسل کے اعلامیے کی حمایت کرتا ہے۔ 

سعودی وزیر اطلاعات کے مطابق اوپیک پلس معاہدے کے تحت عالمی منڈی میں تیل کی قیمتوں کے استحکام اور توازن کی حمایت کرتے ہیں۔ 

انہوں نے مزید کہا کہ سلامتی کونسل کا یمن کی حوثی ملیشیا کو دہشتگرد جماعت قرار دینےکو سراہتے ہیں۔