فرمان الہی
نماز کے اوقات
پاکستان کے معروف کامیڈین و گلوکار علی گل پیر نے 2022 کے آسکراکیڈمی ایوارڈز میں اداکار وِل اسمتھ کے اہلیہ کا مذاق اُڑانے پر کامیڈین کرس راک کو مکّا رسید کرنے کے معاملے کی وائرل ویڈیو پر پیروڈی بنادی۔
علی گل پیر نے فوٹو اینڈ ویڈیو شیئرنگ ایپ انسٹاگرام پر نئی پیروڈی ویڈیو شیئر کی ہے۔
اداکار وگلوکار کی اس ویڈیو کو سوشل میڈیا پر صارفین کی جانب سے بہت پسند کیا جارہا ہے۔
قومی کرکٹ ٹیم کے سابق کپتان وسیم اکرم کی اہلیہ شنیرا اکرم بھی اس ویڈیو کی تعریف کیے بغیر نہ رہ سکیں۔
ایک صارف نے پوسٹ پر کمنٹ کرتے ہوئے لکھا کہ’ وہ انتظار کر رہا تھا کہ علی گل پیر اس واقعے کی پیروڈی بنائیں‘۔
ایک اور صارف نے لکھا کہ’ وہ اس واقعے پر اداکار کے ردِعمل کا انتظار کررہا تھا اور یہ پیروڈی اس معاملے کی اصل ویڈیو سے زیادہ بہتر ہے‘۔
خیال رہے کہ 94 ویں آسکر ایوارڈز کی تقریب کے دوران کامیڈین کرس راک کی جانب سے میزبانی اور شرکاء کو ہنسانے کا سیشن جاری تھا، اس دوران کرس راک نے شرکاء کو ہنسانے کی غرض سے بہترین اداکار نامزد ہونے والے اداکار ول اسمتھ کی اہلیہ، اداکارہ جاڈا پنکیٹ اسمتھ کے بارے میں مذاق کیا۔
ول اسمتھ کو کامیڈین کرس راک کا ان کی اہلیہ کے بارے میں کیا گیا مذاق پسند نہیں آیا اور اُنہوں نے غصّے میں لائیو شو کے دوران ہی اسٹیج پر جا کر کرس راک کو مکّا دے مارا۔
