فرمان الہی
نماز کے اوقات
مسلم لیگ ن کے رہنما عطا تارڑ کا کہنا ہے کہ ق لیگ کے چوہدری شجاعت کیلئے عزت اور احترام ہے، جبکہ پرویز الٰہی اور ان کے صاحبزادے پنجاب میں آئینی بحران پیدا کرنا چاہتے ہیں۔
عطا تارڑ نے اپنے ایک بیان میں کہا کہ نئے وزیراعلیٰ کا انتخاب فوری ہونا آئینی ضرورت ہے، پنجاب اسمبلی کا اجلاس بغیر کسی وجہ کے ملتوی کیا گیا تھا۔
انہوں نے کہا کہ پنجاب اسمبلی میں ہمارے ساتھ 200 سے زائد ارکان ہیں، جبکہ کل گورنر ہاؤس میں ہوئی میٹنگ میں ان کے 146 ارکان موجود تھے۔
عطا تارڑ نے کہا کہ پنجاب اسمبلی میں اکثریت کھو دینے پر یہ بہانے سے اجلاس ملتوی کرنا چاہتے ہیں، یہ پنجاب اسمبلی کا الیکشن ہے ضلع کونسل گجرات کا نہیں۔
ن لیگی رہنما نے بتایا کہ منڈی بہاءالدین اور گجرات سے ڈنڈا بردار فورس منگوائی گئی ہے۔
