فرمان الہی
نماز کے اوقات
مسلم لیگ ن کے رہنما، سابق وزیر اعظم شاہد خاقان عباسی کا کہنا ہے کہ انتخابات ہماری مرضی سے ہوں گے، ہمارا مقصد قوم کو اس شخص (عمران خان) سے نجات دلانا تھا۔
میڈیا سے گفتگو کرتے ہوئے شاہد خاقان عباسی نے کہا کہ آنے والی حکومت کی ترجیح معیشت ہے، ای وی ایم کا نظام پوری دنیا میں ناکام ہے۔
انہوں نے کہا کہ کسی سے کوئی ذاتی انتقام نہیں لیا جائے گا، جس نے کرپشن کی ان کو عوام کے سامنے رکھیں گے وہ فیصلہ کریں، ہمیں کسی کو جیلوں میں نہیں ڈالنا۔
ان کا کہنا تھا کہ کرپٹ لوگوں کے خلاف کارروائی ہمارا کام ہے، میں کسی وزارت کا امیدوار نہیں ہوں۔
سابق وزیر اعظم کا یہ بھی کہنا تھا کہ احتجاج پاکستان تحریک انصاف (پی ٹی آئی) کاحق ہے، سیاست سے مار پڑی ہے بالکل احتجاج کریں۔
