ندا یاسر کو یاسر نواز کا کون سا کردار پسند نہیں آیا؟

27 اپریل ، 2022

پاکستان شوبز انڈسٹری کی معروف میزبان و اداکارہ ندا یاسر نے اپنے شوہر، اداکارو ہدایتکار یاسر نواز کاحال ہی میں نشر ہونے والا ڈرامہ پسند نہیں آیا۔

ندایاسر اور یاسر نواز نے حال ہی میں ایک ویب شو میں بطور مہمان شرکت کی، اس شو میں میزبان نے جب ندا یاسر سے یہ سوال کیا کہ وہ یاسر نواز کا حال ہی میں نشر ہونے والا ڈرامہ ’چوہدری اینڈ سنز‘ دیکھ رہی ہیں یا نہیں۔

اُنہوں نے اس سوال کا جواب دیتے ہوئے کہا کہ’میں نہیں دیکھ رہی‘۔

جس پر شو کے میزبان نے ہنستے ہوئے کہا کہ’ یہ ڈرامہ نہ دیکھنے کی وجہ یہ تو نہیں ہے کہ اس ڈرامے میں یاسر کولڑکی نہیں ملی‘۔

ندا یاسر نے اس بات کا جواب دیتے ہوئے کہا کہ’ میں نے یاسر سے کہا کہ آپ نے اپنے لیےاس ڈارمے کا انتخاب کرکے غلط کیا ہے‘۔

اُنہوں نے کہا کہ’یاسر ماشااللہ، اتنے اچھے مرکزی کرداروں میں کام کرتے ہیں اور اس ڈرامے کی اسکرپٹ پڑھے بغیر ہی سائن کردیا‘۔

اُنہوں نے مزید کہا کہ ’ مجھے بہت برا لگا کہ یاسر نے یہ ڈرامہ کیوں سائن کیا ‘۔

ندا کے اس جواب پر یاسر نواز نے کہاکہ’ میں ان دنوں تھوڑا مصروف تھا لیکن خیر سیونتھ اسکائی، عبداللہ بھائی اور اسد ان سے مجھے پیار ہے‘۔

ندا نے یاسر نواز کی بات کاٹتے ہوئے کہا کہ’لیکن مجھے تو گلہ ہے‘۔

جس پر یاسر نواز نے کہا کہ’ آپ گلہ کریں پر میں گلہ نہیں کروں گا‘۔

پھر ندا نے کہا کہ’یاسر نے جو کردار اس ڈرامے میں کیا ہے وہ اس کردار کے لیے نہیں بنا‘۔

یہ بھی پڑھیے

اس بات پر یاسر نواز کا کہنا تھا کہ’ ہاں میں یہ کردار ادا کرنے کی وجہ سے تھوڑا پریشان رہا ہوں لیکن چلو زندگی میں اس طرح کی چیزیں ہوتی رہتی ہیں‘۔

انٹرٹینمنٹ سے مزید