پنجاب میں عید سیکیورٹی انتظامات مکمل

پنجاب پولیس نے عید کے حوالے سے سیکیورٹی انتظامات کو حتمی شکل دے دی، صوبے بھر میں عید الفطر کے 25525 اجتماعات کا سیکیورٹی پلان جاری کردیا گیا۔

ترجمان پنجاب پولیس کا کہنا ہے کہ پنجاب میں 24743 مساجد، امام بارگاہوں اور 782 کھلے مقامات پر عید اجتماعات ہوں گے۔

انہوں نے کہا کہ پنجاب میں 43427 سے زائد اہلکار اور رضا کار ڈیوٹی دیں گے، لاہور میں 4922 مساجد، امام بارگاہوں اور191 کھلے مقامات پر عید اجتماعات ہوں گے۔

ترجمان کا یہ بھی کہنا تھا کہ لاہور پولیس کے پانچ ہزار سے زائد ملازمین عید پر فرائض سرانجام دیں گے۔