فرمان الہی
نماز کے اوقات
کراچی (مانیٹرنگ ڈیسک)’سپر اسٹار‘ اداکارہ ماہرہ خان نے کہا ہے کہ ان کی فلمیں ایک طرح سے پراسرار جزیرے برمودا ٹرائی اینگل کی طرح ہیں جو بنتی تو ہیں مگر ریلیز نہیں ہو رہیں۔ماہرہ خان کی فلم ’دی لیجنڈ مولا جٹ، نیلو فر اور قائد اعظم زندہ باد‘ کافی عرصے سے مکمل ہیں مگر انہیں تاحال ریلیز نہیں کیا گیا، جس کی وجہ سے انہوں نے کہا اپنی فلموں کو پراسرار جزیرے برمودا ٹرائی اینگل سے تشبیہ دی۔ماہرہ خان نے ایک انٹرویو میں کہا کہ وہ خود کو بھی بڑی اسکرین پر دیکھنے کے لیے بے صبر ہیں مگر افسوس کہ ان کی فلمیں نہ جانے کیوں ریلیز ہی نہیں ہو رہیں؟انہوں نے دوران انٹرویو کھانوں کے حوالے سے بھی بات کی اور کہا کہ انہیں کھانے تیار کرنے نہیں آتے، البتہ وہ کھانوں کو شوق سے کھا لیتی ہیں اور سویاں تو وہ بہترین طریقے سے کھا لیتی ہیں۔اداکارہ نے نے ایک سوال کے جواب میں بتایا کہ انہیں انڈسٹری میں 10 سال مکمل ہوچکے، وہ خوش قسمت ہیں کہ انہوں نے شعیب منصور، سرمد کھوسٹ اور عاصم خان سمیت شاہ رخ خان جیسے لوگوں کے ساتھ کام کیا۔انہوں نے بتایا کہ ان کی بھی خواہش ہے کہ ان کی ریلیز کے لیے تیار فلموں کو پیش کیا جائے مگر انہیں لگتا ہے کہ ان کی فلمیں برمودا ٹرائی اینگل کی طرح ہیں، جو بنتی تو ہیں مگر ریلیز نہیں ہوتیں۔انہوں نے کہا کہ ان کی فلم ’قائد اعظم زندہ باد‘ عید قرباں پر ریلیز ہوگی جب کہ ’نیلو فر‘ کی ریلیز کا اعلان فواد خان کریں گے، کیوں کہ وہ اسی فلم کے پروڈیوسر بھی ہیں۔اسی طرح انہوں نے کہا کہ ’دی لجنڈ آف مولا جٹ‘ کے حوالے سے کوئی بات نہ کی جائے تو بہتر ہے۔انہوں نے کہا کہ ان کی کوشش ہوگی کہ وہ اگلے 10 سال میں کوئی ایسی فلم تیار کریں، جسے ’آسکر‘ کے اسٹیج پر پیش کیا جائے، جو ’کانز‘ کا سب سے بڑا ایوارڈ جیتنے میں کامیاب جائے اور ساتھ ہی کہا کہ ایسا ناممکن نہیں ہے۔
