فرمان الہی
نماز کے اوقات
لاہور(سپیشل رپورٹر) پاکستان پیپلزپارٹی نے نیا پاور شیئرنگ فارمولا تیار کیا ہے۔ جس کے تحت پنجاب میں چار وزارتیں اور چیئرمین سینیٹ کا عہدہ لیا جائے گا، گورنر پنجاب کا عہدہ مسلم لیگ ن کو دیا جائے گا۔
پیپلزپارٹی کا وفد آج وزیر اعلیٰ حمزہ شہباز سے ملاقات کر کے اپنی تجاویز پیش کرے گا۔
گزشتہ روز پیپلزپارٹی کے سنیئر وائس چیئرمین اور سابق وزیر اعظم سید یوسف رضا گیلانی کے گھر پارٹی کے سنیئر رہنمائوں کو عشائیہ دیا گیا جس میں سپیکر قومی اسمبلی راجہ پرویز اشرف، مخدوم احمد محمود، مخدوم حسن محمود،قمر زمان کائرہ، حسن مرتضیٰ شریک ہوئے،اس موقع پر پاور شیئرنگ فارمولے پر بھی تبادلہ خیال کیا گیا۔
ذرائع کے مطابق پیپلزپارٹی پنجاب کابینہ میں چار وزارتیں لے گی، سنیئر وزیر کے لئے حسن مرتضی ٰ اور دیگر تین وزیروں کیلئے علی حیدر گیلانی، ممتاز چانگ اور مخدوم عثمان محمود کے نام فائنل کئے گئے، چیئرمین سینیٹ کے لئے سید یوسف رضا گیلانی کا نام تجویز کیا گیا، پنجاب میں گورنر کا عہدہ مسلم لیگ ن کو دینے کا اصولی فیصلہ کر لیا گیا۔
بعد ازاں پیپلز پارٹی کے قائدین راجہ ریاض کے بیٹے کی شادی کی تقریب میں شرکت کیلئے فیصل آباد روانہ ہوگئے۔
