فرمان الہی
نماز کے اوقات
بھارتی اداکارہ کاجل اگروال نے ماؤں کے عالمی دن کے موقع پر بیٹے کی پہلی تصویر سوشل میڈی پر شیئر کردی۔
کاجل اگروال نے انسٹاگرام پر اپنے بیٹے کے ساتھ ایک تصویر شیئر کی جس کے ساتھ اُنہوں نے ایک طویل نوٹ لکھا جس میں اُنہوں نے بیٹے سے محبت کا اظہار کیا۔
اُنہوں نے اپنے بیٹے سے مخاطب ہوتے ہوئے لکھا کہ ’میں چاہتی ہوں کہ آپ جانیں کہ آپ کتنے قیمتی ہیں اور ہمیشہ میرے لیے رہیں گے جس لمحے میں نے آپ کو اپنی بانہوں میں پکڑا، آپ کا چھوٹا سا ہاتھ اپنے ہاتھ میں لیا، آپ کی گرم سانسوں کو محسوس کیا اور آپ کی خوبصورت آنکھیں دیکھی۔‘
اداکارہ نے کہا کہ ’تُم سے ہمیشہ محبت رہے گی کیونکہ تم میری پہلی اولاد ہو، میرا پہلا بیٹا، میرا سب کچھ، آنے والے سالوں میں، میں تمہیں ہر چیز سکھانے کی پوری کوشش کروں گی لیکن تم نے مجھے پہلے ہی بہت کچھ سکھایا ہے۔‘
کاجل نے کہا کہ ’تم نے مجھے کیا سکھایا ہے؟ یہ ماں بننا ہے، آپ نے مجھے بے لوث ہونا سکھایا ہے، خالص محبت، آپ نے مجھے سکھایا ہے کہ میرے جسم سے باہر میرے دل کا ایک ٹکڑا ہونا ممکن ہے۔‘
انہوں نے مزید کہا کہ ’اگرچہ یہ دردناک ہے لیکن یہ ایک خوبصورت تجربہ تھا، میں دعا کرتی ہوں کہ آپ مضبوط اور پیارے ہو اور آپ کا دل دوسروں کے لیے نرم ہو۔‘
اداکارہ نے کہا کہ ’میں دعا کرتی ہوں کہ آپ اس دنیا کو اپنی روشن اور پیاری شخصیت کو کبھی مدھم نہ ہونے دیں، مجھے آپ کو اپنا کہنے میں بہت فخر محسوس ہوتا ہے۔‘
واضح رہے کہ کاجل اگروال کا تعلق جنوبی بھارت کی تلگو اور تامل فلم انڈسٹری سے ہے اور انہوں نے زیادہ تر وہیں کام کیا۔
تاہم وہ چند ایک بالی ووڈ فلموں میں بھی کام کرچکی ہیں، جن میں 2011 کی ہندی فلم سنگھم سے انہیں کافی شہرت ملی۔
اس فلم میں انہوں نے فلم کے مرکزی کردار اور ہیرو اجے دیوگن کے مدمقابل ہیروئن کا کردار ادا کیا تھا۔
