فرمان الہی
نماز کے اوقات
گلوکارہ حمیرا ارشد کی جانب سے پاکستان آئیڈل کے ججز پر تنقید کے بعد اداکارہ و گلوکارہ عائشہ عمر فواد خان کے دفاع میں سامنے آگئیں۔
حمیرا ارشد نے اپنے حالیہ بیان میں کہا تھا کہ پاکستان آئیڈل کے ججز کے درمیان مطابقت اور موسیقی کا تجربہ کم ہے اور ان کی جگہ دیگر گلوکار زیادہ بہتر انتخاب ہو سکتے تھے۔
عائشہ عمر نے اس تنقید کا جواب دیتے ہوئے کہا کہ فواد خان موسیقی کے میدان میں گہرا تجربہ رکھتے ہیں، وہ مشہور بینڈ ’اینٹٹی پیراڈائم‘ (Entity Paradigm) کے مرکزی گلوکار رہے ہیں، جس نے ’بیٹل آف دی بینڈز‘ کے پہلے سیزن میں کامیابی حاصل کی تھی۔
انہوں نے مزید کہا کہ فواد خان ناصرف ایک کامیاب گلوکار ہیں بلکہ انہوں نے موسیقی کے مقابلوں میں جج کے طور پر بھی خدمات انجام دی ہیں، جس سے ان کی موسیقی کی سمجھ، تجزیاتی صلاحیت اور فنکاروں کے ساتھ برتاؤ انہیں اس کردار کے لیے بہترین انتخاب بناتے ہیں۔
عائشہ عمر کا کہنا تھا کہ ’فواد خان کی بصیرت، تجربہ اور موسیقی سے وابستگی انہیں پاکستان آئیڈل کے سب سے اہل ججز میں شامل کرتی ہے۔‘
