لاہور، شادی سے انکار پر ماڈل قتل، ملزم کا اعترافِ جرم

 

لاہور کے علاقے ڈیفنس میں ماڈل سمعیہ نواز کو قتل کرنے والے ملزم نے اعترافِ جرم کر لیا۔

پولیس کے مطابق کمالیہ کی 23 سالہ سمیعہ نواز لاہور کے علاقے باغبانپورہ میں مقیم تھی، مقتولہ شادی شدہ اور تین سالہ بیٹی کی ماں تھی۔

پولیس کے مطابق مقتولہ شوہر سے علیحدگی کے بعد نوجوان سلیمان سے مل کر ماڈلنگ کرتی تھی، سلیمان اس سے شادی کرنا چاہتا تھا لیکن سمیعہ نے انکار کر دیا تھا۔

پولیس کے مطابق مقتولہ کے انکار کرنے پر ملزم سلیمان نے اسے فوٹو شوٹ کے بہانے ڈیفنس میں بلایا اورگاڑی میں ہی قتل کر دیا۔

پولیس کے مطابق مقتولہ کی لاش پوسٹ مارٹم کے لیے بھجوا کر مزید تفتیش شروع کر دی گئی ہے۔

ملزم سلیمان نے پولیس کو دیئے بیان میں کہا ہے کہ سمعیہ میرے ریفرنس سے برائیڈل شوٹ کراتی تھی، میں شوٹنگ کمپنیوں سے ڈیل کرکے سمعیہ کی شوٹ کراتا تھا، سمعیہ کو پیسے دینے کے علاوہ میری کمیشن بھی ہوتی تھی۔