پاسدارانِ انقلاب کے کرنل کے قتل کا بدلہ لیں گے، ایرانی صدر

ایرانی صدر ابراہیم رئیسی نے پاسدارانِ انقلاب کے کرنل سید خدائی کے قتل کا بدلہ لینے کا اعلان کردیا۔

ایرانی صدر نے کہا ہے کہ کرنل خدائی کے قتل میں عالمی عناصر کے ملوث ہونے میں کوئی شبہ نہیں۔

رپورٹس کے مطابق تہران میں پاسدارانِ انقلاب کے کرنل سید خدائی کو 2 موٹرسائیکل سواروں نے فائرنگ کر کے قتل کردیا تھا۔

ایران میں پاسداران انقلاب کا کرنل مسلح افراد کے حملے میں ہلاک

ایران میں ایرانی پاسداران انقلاب کا کرنل مسلح افراد کے حملے میں ہلاک ہوگیا۔ تہران سے خبر ایجنسی نے بتایا ہے کہ کرنل سید خدائی کو دو موٹر سائیکل سواروں نے فائرنگ کر کے قتل کیا۔

اس حوالے سے ایرانی پاسداران انقلاب کا کہنا ہے کہ قابل مذمت دہشت گرد کارروائی میں عالمی عناصر ملوث ہیں، قتل میں ملوث ذمہ داروں کو جلد کیفر کردار تک پہنچائیں گے۔