حکومت کی تحریک انصاف کو دھرنےکی مشروط اجازت دینے کی پیش کش

25 مئی ، 2022

حکومت کی جانب سے پاکستان تحریک انصاف (پی ٹی آئی) کو دھرنےکی مشروط اجازت دینے کی پیش کش کی گئی ہے۔

پاکستان پیپلزپارٹی کے رہنما خورشید شاہ نے کہا ہے کہ مختص کی گئی جگہ پر تحریک انصاف دھرنا دے تو اجازت دینے کے لیے تیار ہیں۔

خورشید شاہ نے کہا کہ حالات تحریک انصاف نے خراب کیے جس سے بچنے کےلیے رکاوٹیں کھڑی کی گئیں۔

دوسری جانب سپریم کورٹ آف پاکستان نے پاکستان تحریک انصاف (پی ٹی آئی) کو ایچ نائن اور جی نائن کے درمیان گراؤنڈ میں جلسہ گاہ فراہم کرنے کا حکم دے دیا۔

پی ٹی آئی قیادت کی جانب سے پر امن ریلی نکالنے کی یقین دہانی کے بعد عدالت نے ضلعی انتظامیہ کو جلسہ گاہ کی جگہ فراہم کرنے کا حکم دیا ہے۔

اٹارنی جنرل نے عدالت کو بتایا کہ وہاں پر 10 ہزار سے زیادہ لوگ نہیں آسکتے، وہاں پر اتوار بازار بھی ہے اور سرینگر ہائی وے بھی۔

قومی خبریں سے مزید

وزیراعظم کا امارات کے صدر سے ٹیلیفونک رابطہ