• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قطری نشریاتی ادارے کا اپنی صحافی کے قتل پرعالمی عدالت جانے کا فیصلہ

دوحہ (جنگ نیوز )قطر کے نشریاتی ادارے ’’الجزیرہ‘‘ نے اسرائیلی فوج کی گولی سے ہلاک ہونے والی خاتون صحافی شیریں عاقلہ کے قتل پر جرائم کی عالمی عدالت جانے کا فیصلہ کرلیا۔قطر نشریاتی ادارے کے مطابق خاتون صحافی شیریں ابو عاقلہ کے کیس پر اپنی قانونی ٹیم کو جرائم کی عالمی عدالت سے رجوع کرنے کی ہدایت کردی ہے۔ اس سلسلے میں عالمی ماہرین سے بھی مشاورت کی گئی ہے،الجزیرہ کی جانب سے جاری بیان میں مؤقف اختیار کیا گیا ہے کہ مقتول صحافی کا معاملہ عالمی فوجداری عدالت کے چارٹر کے آرٹیکل 8 کے تحت جنگی جرم ہے جو جنگ زدہ یا مقبوضہ علاقوں میں کام کرنے والے صحافیوں کو تحفظ فراہم کرتا ہے۔بیان میں یہ بھی بتایا گیا ہے کہ الجزیرہ مئی 2021 کو غزہ میں اسرائیلی فوج کی بمباری میں دفتر کی مکمل تباہی کو بھی عالمی عدالت میں اٹھائے گا۔

دنیا بھر سے سے مزید