کراچی: خواتین ملازمین سے ہراسانی، ایف آئی اے نے 2 ملزمان گرفتار کر لیے

05 جولائی ، 2022

کراچی میں سوشل ویلفیئر ڈپارٹمنٹ کی خواتین ملازمین کو ہراساں کرنے والے 2 ملزمان کو وفاقی تحقیقاتی ادارے (ایف آئی اے) نے گرفتار کرلیا ہے۔

سربراہ ایف آئی اے سائبر کرائم عمران ریاض کے مطابق گرفتار ملزمان خواتین ملازمین کو سوشل میڈیا پر ہراساں کرتے تھے۔

ایف آئی اے حکام کے مطابق تحقیقات میں کراچی میں سوشل ویلفیئر ڈپارٹمنٹ کی خواتین کو ہراساں کرنے میں 3 ملزمان ملوث نکلے۔

حکام کے مطابق خواتین کو ہراساں کرنے والے ملزمان کی شناخت عدیل میمن، ثاقب منظور اور حضور بخش کے ناموں سے کی گئی۔

ایف آئی اے حکام کے مطابق ہراسانی میں ملوث دو ملزمان عدیل میمن اور ثاقب منظور کو گرفتار کرلیا ہے جبکہ ملزم حضور بخش تاحال مفرور ہے، جس کی گرفتاری کے لیے چھاپے مار رہے ہیں۔

ایف آئی اے حکام کے مطابق ملزمان پر سوشل ویلفیئر ڈپارٹمنٹ کی 35 خواتین کو ہراساں کرنے کا الزام ہے۔

قومی خبریں سے مزید