فرمان الہی
نماز کے اوقات
کراچی (آئی این پی) پاکستانی گلوکار ذیشان علی نے انکشاف کیا ہے کہ ایک مرتبہ لوگوں نے انہیں بھارتی اداکار نواز الدین صدیقی سمجھ کر خوب سیلفیاں لیں۔ حالیہ انٹرویو میں گلوکار ذیشان علی نے بتایا کہ بولی وڈ اداکار نواز الدین صدیقی سے مماثلت پر کہا کہ ایک مرتبہ میں ایک ایوارڈز کی تقریب میں موجود تھاکہ ایک خاتون میرے پاس آئیں اور کہنے لگیں سر ایک تصویر لے سکتی ہوں؟ میں بہت حیران ہوا کہ مجھے بھی لوگ جانتے ہیں۔بات جاری رکھتے ہوئے انہوں نے کہا کہ خاتون جیسے ہی تصویر لے کر گئیں تو چار پانچ بندے مزید آگئے اور کہنے لگے کہ سیلفی لینی ہے۔ذیشان علی نے بتایا کہ تاہم معاملے کا مجھے جب علم ہوا جب ان میں سے تین چار بندے سیلفی لے کر گئے اور جاتے وقت مجھے شکریہ نواز بھائی کہہ گئے۔
