آرمی چیف کا رسالپور اور نوشہرہ میں پاک فوج کے زیر انتظام اداروں کا دورہ

آرمی چیف جنرل قمر جاوید باجوہ نے رسالپور اور نوشہرہ میں پاک فوج کے زیر انتظام مختلف اداروں کا دورہ کیا۔

آرمی چیف نے نوشہرہ اسکول آف آرمز اینڈ میکنائزڈ وارفیئر کا دورہ کیا جہاں انہیں جنگی میدان کی ضروریات کے مطابق اسکول کے تربیتی پروگرامز پر بریفنگ دی گئی۔

آئی ایس پی آر کے مطابق جنرل قمر باجوہ نے ٹینک وی ٹی فور کے لیے نئے تعمیر شدہ ٹریننگ کمپلیکس کا افتتاح کیا۔

سپہ سالار نے مشینی جنگی تربیت کے لیے سینٹر آف ایکسی لینس کا بھی افتتاح کیا۔

چیف آف آرمی اسٹاف کو ملٹری کالج میں مختلف تربیتی کورسز اور سہولتوں سمیت ایم سی ای میں انسداد آئی ای ڈیز اور سول انجینئرنگ ونگز پر بھی بریفنگ دی گئی۔

جنرل قمر جاوید باجوہ نے ملڑی کالج میں اسٹرکچرل لیب کا بھی دورہ کیا۔

انہوں نے ملٹری کالج آف انجینئرنگ رسالپور آمد کے بعد یادگار شہداء پر پھول رکھے اور فاتخہ خوانی کی۔